Kisi bhi emotion ko aap sirf tabhi utne ache se samjh sakte hain agar aapne bhi kabhi same situation/emotion ko feel kiya ho. Varna us emotion ki kadar aap nahi samjh sakte. Thik ussi tarike se jess ek roti ki bhook kya hoti hai ye baat sirf wo aadmi hi bta sakta hai jisse bahut zor se bhook lagi ho aur khane k liye pass mein ek roti na ho.
Ye dard sirf wo pita samjh sakta hai jo apne parivar k liye din raat mehnat karke roti lata hai aur essa na kar pane par akele mein rota hai. Ye dard sirf wo beta samjh sakta hai jo bhookha so jata hai kynki wo apne pita ko apni bhookh ki wajah se pareshan nahi karna chahta.
Mehlon mein rehne wale log kya jaanenge ki garibi,karz,bhook aur kissi bhi cheez ki kami kisse kaha jata hai. Jo log sirf mineral water peete hain aur bottle bhi apne hath se khote hain taki har baat ki surety ho wo kya samjhenge kisi gareeb ki bhookh.
Mujhe hasi aati hai aur dukh bhi hota hai, jab hamare so called Yuva neta kisi gareeb kisaan k ghar ja kar kehte hain ki mein aapka dukh samjh sakta hun. Agar itna hi aap concerned hote to us kisaan ki haalaat k liye aap kuch karte.Naki uski gareebi ka mazzak uda kar aur apni publicity karke gayab ho jate. Satta mein reh kar agar kuch nahi kar sakte to aapko koi haq nahi hai satta mein rehne ka. Aap us layak hi nahi ho jisse wo jimeewari sopi jaye.
A/C rooms mein beth kar, mineral water pee kar FARMER’s Condition in India par baat karne se agar kuch hota to ab tak bahut badlaav aa gaye hote. Zameen k aadmi ka dard jaanne k liye zameen par hi aana padta hai.
65 saal ki aazadi k baad bhi aaj kisaan (haamare desh ka ann data) bhookh aur gareebi ki wajah se aatamhatya(suicide) karne par majboor hai. Mere liye ye sharam ki baat hai shayad mere desh k netaon k liye nahi.
Amit Pandey
(Ek Kisaan ka beta)
